Sogn Teodosi. Pdf: cheu l’entira historia Ils 11 da schaner: Sogn Teodosi, avat, eremit e confessur Sogn Teodosi ei naschius a Capadocia en Turchia. Gia da giuven perdegava el a ses cumpogns da scola …Daplü
Sogn Teodosi.
Pdf: cheu l’entira historia
Ils 11 da schaner: Sogn Teodosi, avat, eremit e confessur
Sogn Teodosi ei naschius a Capadocia en Turchia. Gia da giuven perdegava el a ses cumpogns da scola, declarava al pievel la sontga Scartira e mussava co viver ina veta virtuusa.
Igl emprem viadi ha el fatg a Gerusalem per visitar ils loghens sogns. Sin quei viadi vegn el en Antiochia tier la petga da sogn Simeon Stilita che viveva aunc.
Havend Teodosi visitau tut ils sanctuaris, va el tier sogn Longhinus che viveva en ina tuor, numnada la tuor da David.
Lu eis el seretratgs sin in cuolm en ina spelunca per buc esser mulestaus dil pievel ed el viva leu ina zun strentga veta cun giginar ed urar. El senutreva da fretgs da palmas, jarvas, ragischs selvadias e glogns. Ina tala veta exemplarica ha tratg neutier auters muntgs per cumpogns e suandonters. Quels buns claustrals sut la disciplina da sogn Teodosi, fuvan a Diu schi cars, che la divina providietscha manteneva els cun miraculusas ordinaziuns.
Diu banduna buca quels che sefidan da sia buntadeivla providientscha.
Il diember dil paders semultiplicava taluisa ch’els vevan buca pli plaz en quei pauper eremitadi. Cheu ha Diu dau d’entellir al sogn da far baghegiar ina claustra buca mo pils paders, mobein era per pelegrins e malsauns.
Duront il temps da grond fomaz dustava sogn Teodosi la fom a reh sco a pauper e tras quei tarlischava sia sontgadad lunsch pil mund entuorn.
Igl imperatur Anastasius favorisava da gliez temps ils Eutichians herets e leva che tuts uestgs e prelats sustenessien sia partida. Cun ina gronda summa en aur per ils paupers leva el inagada puder tier Teodosi. Mo il sogn avat ha prest encurschiu la schliatta finamira. El accepta ils daners e parta ora quels als basignus, schend agl imperatur, che ni el ni ses religius laschien muentar cun daners da bandunar la ductrina dalla Baselgia catolica. Sin quella risposta ha Anastasius smanatschau tut mal a quels che tegnien buca culs Eutichians. Sin quei ei Teodosi seretratgs en auters marcaus per scommunicar ils herets, consolar ils fideivels e mantener quels che fuvan en prighel da curdar.
Igl imperatur, informaus da tut quei, ha lu bandischau il sogn avat ord la tiara. Ina tala malgesta sentenzia ha il sogn bugen acceptau per amur da Diu. Anetgamein vegn igl imperatur sturnius d‘in cametg e Teodosi tuorna sin quei puspei en sia claustra.
Sogn Teodosi ha viviu 105 onns. Cun dar bien exempel als religius, ha el retschiert ils sogns sacraments e morts ils 11 da schaner gl’onn 529 en preschientscha da treis uestgs.
Il patriarch da Gerusalem, accumpignaus d’uestgs e spirituals, ha satrau il grond survient da Diu en la spelunca, nua ch’el veva habitau avon che baghegiar la claustra. Leu duessen ils treis sogns Retgs esser stai sur notg, enten turnar en lur patria.
Pdf: cheu l’entira historia
Ils 11 da schaner: Sogn Teodosi, avat, eremit e confessur
Sogn Teodosi ei naschius a Capadocia en Turchia. Gia da giuven perdegava el a ses cumpogns da scola, declarava al pievel la sontga Scartira e mussava co viver ina veta virtuusa.
Igl emprem viadi ha el fatg a Gerusalem per visitar ils loghens sogns. Sin quei viadi vegn el en Antiochia tier la petga da sogn Simeon Stilita che viveva aunc.
Havend Teodosi visitau tut ils sanctuaris, va el tier sogn Longhinus che viveva en ina tuor, numnada la tuor da David.
Lu eis el seretratgs sin in cuolm en ina spelunca per buc esser mulestaus dil pievel ed el viva leu ina zun strentga veta cun giginar ed urar. El senutreva da fretgs da palmas, jarvas, ragischs selvadias e glogns. Ina tala veta exemplarica ha tratg neutier auters muntgs per cumpogns e suandonters. Quels buns claustrals sut la disciplina da sogn Teodosi, fuvan a Diu schi cars, che la divina providietscha manteneva els cun miraculusas ordinaziuns.
Diu banduna buca quels che sefidan da sia buntadeivla providientscha.
Il diember dil paders semultiplicava taluisa ch’els vevan buca pli plaz en quei pauper eremitadi. Cheu ha Diu dau d’entellir al sogn da far baghegiar ina claustra buca mo pils paders, mobein era per pelegrins e malsauns.
Duront il temps da grond fomaz dustava sogn Teodosi la fom a reh sco a pauper e tras quei tarlischava sia sontgadad lunsch pil mund entuorn.
Igl imperatur Anastasius favorisava da gliez temps ils Eutichians herets e leva che tuts uestgs e prelats sustenessien sia partida. Cun ina gronda summa en aur per ils paupers leva el inagada puder tier Teodosi. Mo il sogn avat ha prest encurschiu la schliatta finamira. El accepta ils daners e parta ora quels als basignus, schend agl imperatur, che ni el ni ses religius laschien muentar cun daners da bandunar la ductrina dalla Baselgia catolica. Sin quella risposta ha Anastasius smanatschau tut mal a quels che tegnien buca culs Eutichians. Sin quei ei Teodosi seretratgs en auters marcaus per scommunicar ils herets, consolar ils fideivels e mantener quels che fuvan en prighel da curdar.
Igl imperatur, informaus da tut quei, ha lu bandischau il sogn avat ord la tiara. Ina tala malgesta sentenzia ha il sogn bugen acceptau per amur da Diu. Anetgamein vegn igl imperatur sturnius d‘in cametg e Teodosi tuorna sin quei puspei en sia claustra.
Sogn Teodosi ha viviu 105 onns. Cun dar bien exempel als religius, ha el retschiert ils sogns sacraments e morts ils 11 da schaner gl’onn 529 en preschientscha da treis uestgs.
Il patriarch da Gerusalem, accumpignaus d’uestgs e spirituals, ha satrau il grond survient da Diu en la spelunca, nua ch’el veva habitau avon che baghegiar la claustra. Leu duessen ils treis sogns Retgs esser stai sur notg, enten turnar en lur patria.
